龍威武舞難度開騷禁爆粗


2017-07-05 07:00

跟蹤提及過的人和物:

上一則新聞: 劉美君翻唱二創《午夜情》

 

資深歌手李龍基、威利及張武孝(大AL)昨日為7月15及16日假旺角麥花臣場館舉行的《龍威武‧三個好歌男人演唱會2017》綵排,主辦單位馬天尼娛樂董事長孫敬安與太太盧敏儀特別到場支持。

他們將於演唱會獻唱近50首經典歌曲:「我哋首首都當新歌唱,如果唔係就會hea唱。」威利稱日日排練,練到聲音有點沙啞。問到可會有特別嘉賓?他們笑言要先賣關子,因為是商業秘密。至於可會跳舞?李龍基稱跳舞對他們有很大難度,大AL即搞爛gag:「梗係有『武』(舞)啦,龍威『武』嘛,冇『武』就唔使唱。」威利則說:「今次個騷會同觀眾好close,好似開party咁,觀眾想跳舞都冇問題,係得一樣嘢有問題,就係講粗口!」

李龍基認超級巨星



問他們可會忍不住在台上講粗口?自認「爛口」的威利說:「但我忍到,我哋啲藝人好忍得,一offcam講咩都得。」再問三人之中是否他最粗口時,威利即改口說:「我哋三個都唔講嘅。」提到飛債問題,他們表示只負責唱歌,最重要是台上台下都開心:「希望帶番啲美麗嘅回憶畀香港人。」威利亦指最重要是健健康康,開開心心:「我哋呢個年紀唔通要做superstar咩!」李龍基笑說:「我當自己係o架!」大AL再次搞爛gag說:「因為佢會唱嗰首歌叫《Superstar》。」

文、攝:音樂組

贊助商:

討論:
分享: