政情:張國柱歐遊 帶兩斤蝦子麵


2017-06-03 07:00

跟蹤提及過的人和物:

上一則新聞: 政情:大嘥鬼踩過界 公開插特朗普

 

社會福利界立法會前議員張國柱(阿柱)卸任後少理政事,早排佢就同一班朋友去咗歐洲玩足一個月。咪以為阿柱歐遊實係食好嘢、歎世界,其實佢足足帶咗兩斤蝦子麵自己煮。唔通阿柱想學吓啲後生仔,體驗窮遊嘅滋味?

驚唔慣當地食物



阿柱四月底同朋友去咗法國、德國及瑞士等歐洲國家玩,佢話成個月流流長,怕食唔慣當地食物,就算食得慣都怕食到厭,加上歐洲消費都好貴,所以就自備蝦子麵。佢又話,因為今次係同朋友去,所以可以住民宿旅館,所以自己煮嘢食都好方便喎!

今次歐遊佢哋比較少去大城市,反而喺一啲鄉村小鎮逗留得耐啲。阿柱特別推介法國小鎮Colmar,事關好近雪山,風景非常之靚。阿柱唔去大城市,唔通怕遇上恐襲?佢就話冇呢個諗法,只係大城市已經去過晒,想搵啲新意啫!

贊助商:

討論:
分享: