與歐陽巧瑩示範急救 陳自瑤晒阿婆底搶Fo


2017-05-23 07:00

跟蹤提及過的人和物:

上一則新聞: 麥秋成搭膊護航 幫蔡思貝擺脫三角關係

 

藝人歐陽巧瑩(Tammy)、陳自瑤(YoYo)、岑杏賢、袁文傑及翟威廉等昨日出席明珠台「CODEBLACK黑色警報」宣傳,兩女示範急救技巧時,以另類方式搶鏡,YoYo瞓低再起身露出「阿婆底」,低胸衫示人的Tammy則露心口膠紙。

Tammy之前笑言可以主動向男友林師傑求婚,她說:「但我信命理話我30歲前唔好結婚,依家25歲,過幾年先,我同林師傑關係比結咗婚嘅人更穩定。(佢被指同歌手譚嘉儀食消夜?)嗰個女仔係我嚟!可能戴咗帽,大家認錯啫,其實我高嘉儀成個頭。(相信男友?)百分百信佢,佢行蹤我掌握晒,佢話去錄歌,真係有Demo畀我聽番,佢好定性。」

袁文傑「抄」羅嘉良演出



袁文傑在無綫劇《不懂撒嬌的女人》中,被王浩信以經典劇集《創世紀》角色「許文彪」上身鬧爆,袁文傑說:「網友話係《創世紀2.0》,我哋照劇本演。(參考羅嘉良點演?)起初睇劇本覺得做老闆咁被動嘅?後尾睇番羅嘉良,佢真係被許文彪『的來的去』,咁就照住去演。(王浩信有冇整親你?)冇,佢高手嚟,我哋拍幾Take就OK!」

文:影視組

贊助商:

討論:
分享: