夏尉喻拋胸唔驚教壞細路


2017-04-10 07:00

跟蹤提及過的人和物:

上一則新聞: Fred舊愛姜麗文揞住嘴笑 秦沛笑醒

 

藝人夏尉喻、趙哲妤、楊思琦、趙頌茹、陳倩揚及朱凱婷等昨日出席動畫首映,夏尉喻以低胸裝性感打扮亮相,問到着得如此性感可會教壞同場的小朋友?她說:「唔會,迎接夏天嘛,好耐冇扮靚,我都係健康性感,我覺得着得好少女喎!」夏尉喻除了是藝人,最近又為MV拍攝擔任統籌,身份一半是經理人,一半是監製,她說:「都係搵食,拍戲唔係成日有啱嘅角色,有份穩定收入可以保持番基本生活,可以慢慢等機會。(角色要求性感、裸露?)露點就冇,但係都要誇張暴露,自己唔想去到咁偏。」

而趙哲妤剛由台灣工作返港,正餵人奶的她因擔心奶量問題,此行帶了三個月大的BB同行,她說:「返嚟坐飛機最尾半個鐘BB開始喊,可能緊張,不過佢好幸福,有四個人照顧佢,好似小Boss咁,但係暫時都唔會再帶佢坐飛機,等佢識行先。」她表示近期不少內地及台灣工作要離開BB,都會掛住BB,又透露最近與友人打邊爐慶祝BB百日宴,問到BB爸爸可有出席?她說:「冇呀,大家冇聯絡,佢亦都未見過BB。」

贊助商:

討論:
分享: