今時唔同往日 吳君如爆鄭中基以前似「無掩雞籠」


2017-01-29 18:25

跟蹤提及過的人和物:

上一則新聞: 俾鄭丹瑞新戲捧紅 鄧月平賣口乖:下集唔收錢都拍

 

星島日報報道 鄭中基昨晚舉行第2場紅館騷,有吳君如及林敏驄做嘉賓,鄭中基與吳君如合唱《財神到》及《肥婆隻雞甩晒毛》。君如笑指童年的鄭中基像「禽流雞」,她說︰「應該去人道毀滅,我識你嗰時,真的是『無掩雞籠』,好鍾意食雞嘅,我意思係食雞糊!」

  君如更準備一隻肥雞公仔當作禮物,二人在公仔上簽名,送給現場其中一位幸運兒。君如又笑問︰「有冇睇中邊個靚女?」鄭中基亦大方稱老婆囡囡唔會呷醋,並將公仔送給台下一位女歌迷。

  另外,君如呻鄭中基時隔10年開騷竟然唔送飛,她說:「我個女都係企喺角落睇,我自己畀錢,又自己嚟唱歌,又送埋雞。」引得觀眾發笑。鄭中基妙答︰「呢個年真係開得好!」另外,林敏驄在台上公開讚鄭中基:「我同佢合作,今時今日中基待人接物嘅態度係超過100分。」令鄭中基感動得拖實林敏驄隻手。

睇更多

贊助商:

討論:
分享: