職場健康:用化學品前戴手套 防職業性皮膚炎


2017-01-27 06:00

跟蹤提及過的人和物:


上一則新聞: 城巴插貨車尾7人傷

 

東方日報專訊 阿健在一間印刷廠擔任印刷技工,工作時,他經常接觸油墨及各種顏料,並慣常以白電油清除手上污漬。某天,他的雙手開始發紅及感到痕癢,並且出現腫脹和水泡,於是到職業健康診所求醫。醫生了解阿健的工作習慣及仔細檢查他雙手後說:「你對手開始甩皮、而且皮膚開始裂開同埋出血,證實係患上『職業性接觸皮膚炎』。發炎主要原因係由於工作時冇穿戴任何合適手套,令皮膚直接接觸化學品而引起。」

阿健問:「咁嚴重?都係我平時貪方便,覺得戴手套麻煩。污糟就搵電油抹一抹,點知原來化學嘢會搞到發炎。」

望清楚標籤保安全

醫生點頭道:「每次使用化學品前要睇清楚標籤,並採取建議嘅預防措施。當然仲要佩戴合適及認可嘅手套。其實,日常工作環境中,仲有好多其他潛在危害會引致職業病。根據《職業安全及健康條例》,須予呈報職業病共有五十一種,當中有由物理因素、生物因素、化學因素及其他因素引致。勞工處最新統計數字顯示,二○一五年經證實為職業病個案總數二百五十六宗,佔最多嘅頭三種係職業性失聰、矽肺病及手部或前臂腱鞘炎,分別各佔一百三十三、五十六及三十一宗。」

阿健說:「原來工作環境有咁多危害?真係好得人驚。」

醫生回答說:「咁你又唔使咁擔心。只要僱主為員工提供安全健康嘅工作環境,而僱員亦注意及遵守安全及健康措施,患上職業病嘅機會自然大大降低。」

職業安全健康局

www.oshc.org.hk

贊助商:

討論:
分享: