政情:黃之鋒私見 納稅人埋單


2015-10-14 07:00

跟蹤提及過的人和物:

上一則新聞: 政情:無悔返港 實搵曾銀

 

剛剛十九歲生日嘅學民思潮召集人黃之鋒,前日入稟高等法院申請司法覆核,要求將立法會選舉參選人年齡限制由廿一歲降低至十八歲,直認如勝訴會考慮參加明年立法會選舉,署理特首林鄭月娥首次開腔指,過去一段相當長嘅時間,都聽唔到社會上有很強烈訴求,要將參選年齡降低至十八歲,明顯寸爆黃之鋒提出嘅似乎係個人意見居多。

林鄭尋日出席行政會議前,被問及黃之鋒提出降低年齡限制嘅司法覆核時,起初指事件已進入司法程序,唔會表達政府立場,但其後亦有作出補充,包括即使有很強烈嘅公眾訴求,能否及時修例等事宜,全部都屬於未知之數。

黃之鋒雖然被寸同潑冷水,黃之鋒照舊就今次司法覆核申請法援,主動於社交網站上載一張於法援署取得嘅申請籌號,似乎不論外界有幾多質疑同批評,黃之鋒都唔會「停一停,諗一諗」,納稅人要有心理準備為佢鋪路參選「埋單」嘞!

贊助商:

討論:
分享: