千嬅爆老公信佛勁囉唆


2015-05-13 07:00
上一則新聞: 劉永懷念亞視時代

 

藝人黎芷珊昨日以太陽眼鏡品牌創辦人身份舉辦活動,好友楊千嬅排除萬難現身撐場,千嬅爆老公近期學習佛學,每次學完返家都勁囉唆。

昨日藝人黎芷珊為其眼鏡品牌活動將自己的人情卡碌到盡,好友晒冷,包括歌手楊千嬅及其夫婿丁子高、藝人胡定欣、趙學而、設計師何志恩和名模歐陽妙芝等專程現身撐場。芷珊表示:「佢哋一聽到都舉手話嚟支持我,尤其係千嬅,佢係排除萬難咁嚟,因為呢啲係品牌活動,所以佢都同公司爭取咗好耐,今次純粹係嚟撐朋友,(要還人情債?)梗要啦,呢啲在所難免,其他藝人朋友都好幫手,佢哋會佩戴同影相擺上網。(投資咗幾錢?)七位數字。」

想報讀幼兒教育課程



千嬅對於芷珊的排除萬難說法,則笑說:「冇咁誇張,我同芷珊識咗好多年,私底下係朋友,(你幾時有自家品牌?)我自己已經係一個品牌,不同嘅演出就係product。」她又謂對幼兒教育很有興趣,希望有時間報讀相關課程,更透露丈夫丁子高近來轉玩健身及學習佛學:「佢上完堂返嚟就會同我講一次佛偈,我叫佢千祈唔好咁快『化』,(驚佢出家?)囉唆嘛,我依家做嘢一諗啲人點解做唔到個標準,佢就會叫我放下。」

胡定欣想crossover



另外,胡定欣則表示有興趣跟芷珊crossover合作生意,又透露自己對晚裝及婚紗設計有興趣;而前新聞小花周嘉儀則透露現時單身,並不心急找男友。

文:名人組

贊助商:

討論:
分享: