黎明講感情:唔諗就嚟


2015-04-10 07:00

跟蹤提及過的人和物:

上一則新聞: 王梓軒音樂片東京獲獎

 

有「金句王」之稱的黎明昨日出席活動時貫徹作風,依舊不斷大晒金句來拆解問題,他對此笑言只是一種反映人生不同歷練的途徑。對於感情他沒想太多,他說:「諗就唔諗,唔諗就嚟。」又謂「命運叫你不敗,就永遠不敗。命運要你敗,你就冇得避」。

天王黎明(Leon)和玩具大王蔡志明兒子蔡加讚昨日一同出席第17屆「愛彼女皇盃獲選參賽馬匹名單公布會」,擔任大使的Leon還戴着「愛彼皇家橡樹系列女皇盃2015年限量版計時碼錶」閃亮現身!馬年出生又是人馬座的他,被主持宋熙年問到跟馬有何相似之處?他即爆金句:「跑得快都會kick親,仆親起身再跑過,依就係體育精神。(意思指唔好怕失敗?)命運叫你不敗,就永遠不敗。命運要你敗,你就冇得避。」

新人要睇運數



Leon續表示暫未有興趣當馬主,對於在台上發揮「金句王」的個性,他解畫說:「個唔係金句,記住人生係有經歷同經驗,我將依體驗反映出來,如果句說話唔夠真誠,得兩個笑話,笑都係得兩個反應,一係白癡,一係真誠,每個人接收都唔同。」談到身形較以往fit,他表示早前因要拍攝導演黃真真的電影而被要求減至156磅,他說自己每天只吸收600卡路里。

對於歌手衛蘭約滿離開了公司,問到會否簽新歌手?Leon直言:「唱歌整個市場要迎合齒輪,(歌手難做?)作為新人要睇運數,向新方向進取,忘記炒作,相信會有生力軍出來。」他又謂沒時間留意時下歌手,還笑稱:「留意都冇用,有就會自己『舂』埋。」而一向對感情生活持封口態度的他表示現階段沒想太多,繼續以「金句」拆招:「唔諗咁多,諗就唔,唔諗就,進修自己多點,人人都聰明,冇人蠢。」

加讚唔呷女醋



至於蔡加讚則笑言自己的愛駒暫未夠班參與賽事。問他有否計劃再生多個?他說:「未呀,想囡囡長大先,最少識行先,佢依家得半歲,識叫媽咪,未識叫爸爸。(有冇吃醋?)冇,媽咪重要啲,爸爸遲多幾個月先。」

文:名人組

贊助商:

討論:
分享: