趙式和代報喜 式明下月生B


2015-01-21 07:00

跟蹤提及過的人和物:

上一則新聞: 王愛倫兒子夜蒲啜女

 

名媛趙式和昨日出席自家品牌活動,透露家姐趙式明下月將生B,又指家姐早前已低調註冊,家人對此甚為高興,全家會留港陪伴家姐生產打氣。

華光航業集團董事長趙世光千金趙式和(Jane),昨日出席自家品牌新系列發布活動,同場還有好拍檔名媛程雯、程而及為新系列任設計工作的香港著名設計師何志恩(JohannaHo)。三位老闆對於好友Johanna的實力大為讚賞,更指絕不會妨礙其創作空間。

全家留港陪開刀



對於有傳家姐趙式明與邱德根孫兒邱華瑋,低調註冊兼人工受孕成功。Jane起初不願多提,但最後亦代家姐公布喜訊:「下個月預產期,會喺香港生,應該都係開刀,佢依家心情好好。(爹哋好開心?)好開心,佢身體都好穩定。(家姐有冇肥到?)比起我身邊朋友又唔覺喎!呢排特別關心佢,有咩需要會盡量幫,做好妹妹角色。」但對於是否以人工受孕,她表示不太清楚,亦未有正面回應BB的性別。

Jane表示家姐與男方拍拖多年,兩人相處融洽,早有結婚打算:「佢哋係註咗冊,註冊地點唔知,因為我經常周圍飛。(咁秘密?)我都唔太清楚,生完先擺酒。我同姐夫嘅爹哋媽咪都係好好朋友。佢係NiceGuy,成日會一齊食飯,雙方家長都係十幾年朋友。」雙方家長將留港陪家姐生產,但自己則因遠赴英國工作,未能陪伴左右。

為趕工不慎傷背



而Johanna則透露因忙於工作,不小心弄傷背部,更笑言是老人病:「忙住做嘢,趕住今次個新計劃。未知反應如何,但有先畀朋友試,佢哋都好鍾意。」新系列以LifeStyle為主題,適合不同類型人士。

文:名人組

贊助商:

討論:
分享: