張耀榮爭產兩房 紅館聚頭


2014-08-31 07:00
上一則新聞: 基仔等批假出埠造人

 

為紀念「演唱會之父」張耀榮的《演唱會之父耀榮紅館SHOW》昨晚假紅館舉行,一眾巨星包括張學友、容祖兒、陳慧琳、甄妮、五月天等傾力演出,而耀榮叔的元配羅桂珠及入稟向耀榮娛樂申請清盤的二房女婿鄧偉業亦有同場。大會特別為耀榮叔在控制台下預留他生前睇騷的「最佳位置」,並放了他最愛的可樂,可樂寫着他的姓氏英文拼音「Cheung」。

甄妮唱完即閃



開騷時大會播出耀榮叔的舊照,並由好友陳淑芬讀出一段紀念他的話,揚言要延續娛樂大眾:「張生生前為大家帶歡樂,今晚都會帶歡樂畀大家。」之後倫永亮彈奏一曲耀榮叔生前最愛的《似水流年》為演唱會揭開序幕,部分表演單位如五月天、吳雨霏、祖兒、草蜢、Mr.等亦陸續上台與歌迷見面。

演唱會正式開始,近日因大彈「柯房」吸毒而四圍辣着火頭的甄妮以性感開胸裝上陣,大騷紅色閃Bra,她在台上憶起與耀榮叔點滴:「第一個帶我入紅館係張生,以前都係喺利舞臺開騷,所以第一次去紅館我好驚,張生鼓勵我唔使怕。」甄妮表演後隨即離開紅館,期間記者問她有否看柯震東的記招,她沒停步即上車離開。

演唱會開始前,陳淑芬聯同張學友、側田在紅館後台進行拜神和切燒豬儀式。學友受訪時被問到耀榮娛樂被清盤一事,他說:「冇辦法啦,始終一路都係得耀榮叔做,依家佢過咗身,完咗都正常。」學友又直言現時比他以前有更多開紅館騷的機會。

文:音樂組

贊助商:

討論:
分享: