Eason講生仔:佢興奮亂噏


2014-02-25 07:00
上一則新聞: 蔣志光街頭棟篤笑冧女

 

陳奕迅(Eason)與老婆徐濠縈孖住出席活動,心情靚爆,Eason自言去年諸事不順,又神經質,今年事事變順人亦想通。對於老婆說要生十個,他嘲笑老婆興奮亂講,唔理效果,但都希望女兒有細佬妹。

陳奕迅(Eason)與徐濠縈昨日以情侶裝出席時裝設計師何志恩(Johanna)新店開幕,問到是否收友情價出席,Eason說:「吓!要收錢嘅咩?咁friend唔使啦!有靚衫送畀我得啦。」及後,他突然自爆去年諸事不順唔開心:「諗番係唔順。(條氣定工作唔順?)兩樣,今年順番,社會變緊,自己成日又神經質。」

兩公婆好sweet



Eason重提新年落機黑面一事說:「唔係特登發脾氣,但晏晝點幾兩點(用相機)閃個女唔好。」提到阿徐早前話「生十個都得」,他說:「佢興奮得滯諗嘢唔清楚,做藝術嘅人有啲唔理智,唔會思前想後。(嚇親?)好多嘢都唔識驚,慢慢嚟,我哋好sweet,着到孖公仔咁,好似littletwinstar,我就嚟染埋粉藍色頭!」不過他也認為女兒有弟妹照應比較好!

千嬅努力減磅



楊千嬅與丁子高、琦琦、馬詩慧、鄭希怡、葉佩雯與郭偉亮等均有撐場,千嬅將為電影宣傳,正努力keepfit,現已減五磅,目標是減十五磅:「老公成日去跑山,要型!我跟唔到,但都有一齊做gym減肥,大家互相影響。」何志恩對於Eason不收酬勞,她說:「係呀,真係碌盡人情卡。」提到Eason兩公婆穿情侶裝,她笑說:「係我安排,難得夫妻檔梗係要啦!」

文:名人組

贊助商:

討論:
分享: