中環出更:何志恩盼帶動再生時裝


2013-05-29 07:00

跟蹤提及過的人和物:

上一則新聞: 中環出更:曾裕孖老友組「善團聯合國」

 

時下乜都講環保,廢紙、膠樽可以循環再造,其實舊時裝都可以獲得「重生」。著名時裝設計師何志恩(Johanna)日前出席一間大學畢業時裝展時坦言,製衣所產生嘅廢物數量不少,佢希望牽頭帶動本港再生時裝嘅潮流,鼓勵製衣業界減少浪費。

Johanna話,佢日前為一個再生時裝設計比賽擔任國際評判,今屆盛事由本港推向國際,全球共有逾三十間國際學府參與,佢喺英國倫敦留學嘅母校都有派出代表參加,令佢好雀躍。Johanna希望有更多人認識再生設計,即係將舊衣物改頭換面、奉行零廢棄剪裁,以及盡量使用環保物料造衫。

倡政府多支援製衣業



縱橫設計界多年嘅Johanna坦言,雖然好支持本地創作,但全球經濟轉差,本港製衣業市道亦受牽連。佢曾經考慮到英國發展事業,但身為中國人嘅佢,始終想留港創業,現階段只好步步為營。佢話,其實唔少本地設計師質素好好,但要搵好工廠及買家唔容易,建議政府多啲關注業界需要,提供適切嘅支援。

卓妮

贊助商:

討論:
分享: