Stella McCartney啟發何志恩出頭


2013-05-25 07:00

跟蹤提及過的人和物:

上一則新聞: 劉嘉玲艷壓裙芳

 

本地名時裝設計師何志恩,與披頭四成員保羅麥卡尼愛女兼國際名時裝設計師StellaMcCartney是老同學,前晚Stella在港舉行派對,何志恩現身支持兼敍舊,還自爆讀書時因身材扁平獲Stella選中擔任模特兒,當年的畢業時裝騷Stella已邀得名模KateMoss行騷,啟發了沒有任何背景的何志恩要靠自己爭氣!

香港時尚名店連卡佛前晚為訪港的著名設計師StellaMcCartney舉行派對,與VIP交流時裝經及介紹其秋冬服裝,本地時裝設計師何志恩正是Stella在英國著名時裝學府倫敦中央聖馬丁藝術及設計學院讀書時的同班同學,雖然二人並不熟落,但事隔多年Stella仍記得她,何志恩說:「我有同佢打招呼,仲有問佢記唔記得我?佢話記得,我哋都好注重環保,所以有傾吓環保話題,但就冇時間講媽咪經喇。」

平胸中選任女模



何志恩自爆讀書時曾為Stella擔任模特兒作示範,何志恩說:「揀中我嘅原因,係因為我同鬼妹比,身材比較瘦同冇胸囉,不過都好榮幸佢揀中我。」她稱Stella在學校一直是風頭躉,深受師生的注目,但最刻深還是Stella的畢業騷:「佢個騷嘅風頭真係好勁,娜奧美金寶(NaomiCampbell)、姬摩絲(KateMoss)總之講得出名嘅名模都幫佢行騷,仲有PhilipTreacy(英國帽子大師)幫佢做帽,我哋其他同學就要同用不知名嘅模特兒,有啲同學當然會覺得好唔公平同眼紅。」

靠實力最為重要



不過何志恩因而被Stella啟發了,她說:「佢有PhilipTreacy,我都可以搵JimmyChoo(著名鞋匠),於是我當年膽粗粗打畀JimmyChoo,問佢可唔可以借鞋畀我做畢業騷,我完全唔識佢,估唔到佢一口答應,真係好好人!我覺得做人最緊要自己爭氣,最後權威雜誌《Times》喺畢業生作品中揀咗十個最好,其中一個就係我。」何志恩認為背景當然有影響,但實力才最重要,現時Stella的成就有目共睹,絕非單靠父蔭!

第二度來港的Stella,賓客都雀躍的爭相跟她合照,擁有英國OBE勳章的Stella超級nice,來者不拒,樂意成為人肉布景板。由於派對在戶外進行,現場頗為焗熱,但無減Stella興致,滿場飛與賓客互動。賓客之一的KateMoss由Stella親自邀請,事前Kate未知道時間上能否配合,故當Kate現身時,Stella十分開心。Stella透露今次日本、上海及香港之行印象十分良好,行程愉快,但很掛念家中的小朋友。

文:名人組

贊助商:

討論:
分享: