梁榮忠唔愁開飯拒返無綫


2012-07-27 07:00

跟蹤提及過的人和物:

上一則新聞: 關心妍為Kellyjackie做紅娘

 

無綫出身的梁榮忠轉戰廣播界多年,樂於提攜後輩,正為新入行的DJ鋪路進軍電視界,不愁衣食的他坦言無意重返無綫,因適應不到「娘家」現有文化。

近年主力於廣播界發展的梁榮忠,今年聯同DJ黃天頤、Morle及阿Lu一齊出書。忠仔表示出書其中一個目的是印證他們的共同理念:「唔同媒體有唔同嘅人,我喺電影、電視界遇到好多有名利欲嘅人!喺無綫咁多年,好多人都係同枱食飯,各自修行,我冇辦法接受呢種生存空間。但電台嘅人就隨和好多,所以依家模式好唔同,我喺電台搵到自己嘅天地。」

抱「你好我好」心態



忠仔又稱不僅娛樂圈,各行各業都應抱「你好我好」的心態。問到是否不會重返無綫?他說:「唔會喇,適應唔到個文化。好彩依家唔使愁開飯,但依家有名氣都要多謝無綫!」

天頤及Morle等稱呼忠仔作「大佬」,Morle坦言如非忠仔當年提點她,她早已離開廣播界。身為「大佬」的忠仔對提攜後輩可算盡心盡力,他直言希望帶領其他DJ進軍電視界,一齊於幕前合作。忠仔說:「依家已經開始同now接洽同計劃緊,另外都想試吓拍片放上YouTube,當然會繼續留喺廣播界呢個基地。」

喜見後輩獨當一面



問到會否再以個人名義出書?忠仔謂:「我出唔出個人書意義唔大,反而希望佢哋出到個人書,睇住佢哋開枝散葉,可以獨當一面。」

文:音樂組

贊助商:

討論:
分享: