何思諺剪片重手 拍檔投訴


2012-07-27 07:00

跟蹤提及過的人和物:

上一則新聞: 王貽興嘆出書吸金難

 

轉型做幕後剪片的「陽光媽」何思諺(Leanne),未知是否剪片時忙住湊仔,她竟把處女作的片段剪走廿分鐘,連戲中演員李思汝(Afa)也笑言擔心微電影被她剪到冇得剩,變成幾分鐘短片。

「陽光媽」何思諺去年退居幕後,佗住B為同門的模特兒李思汝拍攝微電影,經過近一年的拍攝及後製,她的處女作品終於「出世」,於本月尾及下月頭分兩部分在網上播出,難怪她感到非常興奮︰「我之前好想做段片,未生BB嗰陣已經講自己想做幕後,依家終於做到,而且之前要生B個projecthold住咗,等咗咁耐真係好開心。」

唔只為搵錢



提到這次的合作,Afa笑言兩人是「想做就去做」,今次推出的微電影不是全為搵錢,她說︰「大家今次係為興趣,心血來潮,又有人support,所以就去做。」兩女更改了個製作名,Leanne笑說︰「我哋好無聊咁改咗個名,因為我姓何,佢姓李,而且想做就做,所以叫『何李Mood影畫』,我哋兩個落手落腳做好多嘢,雖然唔係最滿意,但學到好多。」

望有機進修



不過Afa卻投訴大部分片段被Leanne剪走,她說︰「我哋拍咗好多,但佢剪走咗20分鐘,得番11分鐘。」Leanne聞言即說︰「我想畀最精髓人睇。」提到剪片時又要忙湊仔,Leanne則說︰「好似要分身幾個角色,又要湊仔,又係人老婆,雖然忙但係值得。」她更希望可以再去進修,她說︰「我想進修有關拍攝嘅嘢,雖然依家唔可以離開,但希望可以之後有機會,而依家已經買咗部相機,得閒拍吓個BB練習吓。」

文︰專案組

贊助商:

討論:
分享: