絲絲講場:美麗華失猛將 李家誠擔大旗


2012-07-04 07:00

跟蹤提及過的人和物:

上一則新聞: 金融嫻談:「歐慮」未完 全球勢放水

 

「四叔」李兆基旗下嘅美麗華(00071)近年業務發展都好進取,除咗既有嘅酒店業務之外,時裝、餐飲瓣瓣都有計。不過絲絲聽聞,美麗華有一員猛將已經離開,就係主力負責集團酒店業務嘅酒店及服務式公寓業務主管陳偉成,四叔嘅二公子李家誠,一路都好緊張旗下嘅酒店業務,畀咗好多心機落去,依家可能會擺更多時間落去喇!

絲絲聞風之下,即刻向美麗華嘅公關求證吓,原來Romain(陳嘅洋名)上嗰禮拜就因為私人理由離咗職,暫時未知佢將會有何大計喇!Romain亦係酒店界紅人,以前係海逸系酒店嘅大員,後來「四叔」嘅二公子李家誠將美麗華酒店大革新,引入時尚風設計,為了令業務更上一層樓,於○八年羅致Romain加盟,出任集團總經理。

無礙酒店大發展



當時正值美麗華大展拳腳,除咗翻新酒店(即係依家嘅TheMira)外,亦喺餐飲、時裝領域多元化發展,Romain加盟後統籌多項業務,工作都可謂相當繁重。據講為咗畀Romain可以專注佢酒店管理嘅強項,Romain喺今年四月轉任酒店及服務式公寓業務主管一職。

雖然猛將離巢,不過美麗華嘅酒店業務發展大計就未有改變,好似旗下專攻小型時尚嘅商務酒店MiramarMoon,就可望今年尾喺灣仔亮相喇,加上去年引入DKNYJeans品牌喺中國嘅特許分銷權,睇怕李家誠同埋老婆徐子淇,有大把發揮機會。

余詩韻

贊助商:

討論:
分享: