坐富豪機遊埠 曾蔭權貪完再貪
2012-02-22 15:00
跟蹤提及過的人和物:
上一則新聞:
消息人士向本報指出，曾蔭權與妻子鮑笑薇，早前聯同張松橋及十多名商界知名人士，乘坐張松橋價值逾三億元的私人飛機，前往泰國布吉遊玩，回港後未幾又再出席澳門超豪遊艇之旅。
特首辦昨日回覆查詢時承認，曾蔭權與妻子於本月九日下午至十二日離港休假，期間接受友人邀請乘坐其私人飛機往返泰國。不過，曾蔭權又再次聲稱今次泰國之旅並非完全免費，甚至不覺得有任何問題。
特首辦直認唔當有問題
特首辦表示，一般情況下，當行政長官收到類似的邀請，在沒有利益衝突的前提下，會考慮接受邀請，但會以市場價格支付相若行程的交通費用。行政長官已按照同一原則支付是次行程的交通費用予飛機機主，金額與購買商營機票相若。
張松橋頻講「我唔明白」
但張松橋支吾以對，不斷以「我唔明白」回應，在記者幾經追問下，他才表示「我了解清楚再覆你！」之後記者到港通控股在灣仔君悅酒店舉辦的新春晚宴場地，希望訪問張松橋，甫準備進入宴會廳，即被酒店保安人員截停，並追問：「你係唔係《東方日報》記者？」
保安人員並且表明，主人家已經事先交帶，昨日的場合不邀請記者，並要求記者離開。其後記者再向其他職員了解，對方指張松橋有出席晚宴。
記者與張松橋電話對答
記：張生，我想問吓你係咪用遊艇同飛機載過特首去玩？
張：我……我都唔明你哋講乜……
記：張生，你係唔明我哋……
張：好多嘢，我都唔明，點解你哋要報……
記：張生，你嘅意思係唔明點解我哋報道特首坐遊艇去玩？咁其中一隻遊艇叫CrossHarbour，係唔係你擁有呢？
張：我都唔知你講乜，我都唔明你哋報道……
記：張生，我哋都係想搞清楚，你上個月有無用私人飛機載曾蔭權兩公婆去布吉玩呢？
張：我都唔明你講乜，等我了解清楚先再覆你啦！
討論:
| 分享: | |
|
|
|