絲絲講場：洪丕正買渣打紀念鈔都無特權
2012-02-16 15:00
跟蹤提及過的人和物:
上一則新聞: 絲絲講場：加時投訴信高官當波踢
珍藏30套做慈善贊助
查實阿Ben呢鋪正一係啞子吃黃連，佢當年都係搵秘書、親朋戚友分頭行事，加埋抽到鈔票但最終放棄嘅同事，加加埋埋至湊夠三十張套連張特別版。呢批珍藏唔係用嚟炒賣，遇到慈善活動叫佢贊助禮物，佢就攞張出嚟，當捐贈禮物。
阿Ben尋日同渣打香港一班高層，喺春茗上面大玩問答比賽，其中一條壓軸問題，係估渣打香港喺二○一一年度嘅盈利係幾多，估中答案嘅，可以自選同任何一位渣打高層食飯，絲絲希望自己估中啦。
金融危機帶挈經濟師
渣打亞洲區總經濟師關家明都有去春茗，佢開咗條問題，問大家估吓過去廿幾年，香港面對過幾個金融危機，邊個最得益？絲絲以為佢講金融大鱷，佢好鬼馬咁話有三類人得益，就係經濟師、傳媒、同埋監管機構。皆因世界大亂，個個求教經濟師，傳媒最怕世界唔亂，亂完之後，就由監管機構執手尾，你睇依家監管機構出咗幾多措施！以佢做過金管局過來人身份話，當年入金管局只有3個經濟師，到後來離開時暴增至30個經濟師，真係估唔到喎！
討論:
| 分享: | |
|
|
|