周麗淇新手上陣街頭接生
2012-02-13 15:00
跟蹤提及過的人和物:
上一則新聞: 林志玲面腫疑整容
周麗淇（Niki）、呂慧儀、朱慧敏等昨日齊集金鐘新政府總部，為劇集《女警愛作戰》拍攝一場本地孕婦上街遊行抗議的大場面，鑑於「雙非」事件早前掀起全城話題，故無綫食正條水於新劇加插該類題材，派出數十臨記、輔警等協助外，還找來李綺雯大肚look上陣演本地孕婦，而劇組亦特別安排臨記高舉「無能政府等收工！縱容中介做幫兇！」、「本地孕婦憤怒了！」等橫額，正正道出港人的心聲。
撐劇集反映現實
Niki、呂慧儀等眾女則全副軍裝上陣調停事件，期間演女警阿頭的Niki更要幫手接生，可謂一腳踢，對於該拍攝場口題材敏感，Niki卻處之泰然謂︰「劇集都係反映現實一部分，我演嘅警務人員都係攞番個平衡位，冇話幫邊度同反邊度，我立場依然保持中立。」談到拍攝街頭接生場面，Niki則笑指不知如何處理，自言從未見過生產過程、又未有生仔經驗，惟有考臨場表現。
呂慧儀同老公sweet
至於一臉倦容的呂慧儀，透露近日要應付該劇大量大場面，由於劇組正趕及埋尾，故情人節亦要於工作中度過，問到有否準備情人節禮物給丈夫？她謂︰「諗住整心形朱古力畀佢，不過自己就冇暗示想收咩，只係講過唔想佢使咁多錢，但鮮花我都鍾意嘅，其實依家我哋關係仲好似拍拖咁，好sweet架！」
文：影視組
討論:
| 分享: | |
|
|
|