中環出更：家有喜事 彤叔下月嫁孫女
2012-02-11 15:00
上一則新聞: 中環出更：施榮懷精明轉飲二鍋頭
好好笑容有問必答
前日下午約五時，彤叔一行人喺中建大廈行出嚟，呢排天氣寒冷，彤叔好識保暖，着咗兩件羽絨、腳踩至愛嘅波鞋，期間雙手放喺背後，狀甚輕鬆。卓妮上前同佢打招呼，佢好好笑容，有問必答，話過年期間去咗大陸玩幾日，問佢支持邊位特首參選人，佢就話要睇吓政綱先。然後施施然行返去皇后大道中新世界大廈嘅大本營。
講起呢件大富之家嘅聯婚之喜，一對新人都喺事業上做出一番成績。今年三十一歲嘅Sonia，係新世界酒店集團主席，佢畢業於哈佛大學，返家族幫手冇耐就成為集團酒店事業嘅揸弗人，甚得祖父及爸爸認同。至於新郎哥Paulo就自創紅酒生意，名下嘅大亞國際集團係本港最大嘅頂級葡萄酒入口商之一，亦舉辦過紅酒慈善宴，唔知係咪全憑一顆愛心，娶得美人歸？
討論:
| 分享: | |
|
|
|