絲絲講場：經紀不如去打小人
2012-02-08 15:00
上一則新聞: 市場玲距離：嫁個有錢人的經濟真相
啲中小經紀對加時極度不滿，唔知當日會唔會相約埋一起去「打小人」，等自己順番條氣呢？
絲絲都係講吓笑啫！尋日就有班經紀循「正常」途徑去表達對加時嘅不滿。證券及期貨從業員工會聯同立法會議員王國興等共5名代表，約見財經事務及庫務局副局長梁鳳儀並遞交請願信，要求政府介入，取消第二階段加時，並且重新諮詢業界。佢哋今個星期四仲會約見港交所行政總裁李小加，表達訴求。
揚言再搞遊行抗議
證券及期貨從業員工會會長林德明話，港交所實施首階段加時，根本無助提升國際競爭力，成交額又無增長，進一步加時只會增加業界成本同裁員壓力，令行業萎縮，導致中小型證券行入不敷支。佢哋揚言，如果政府漠視佢哋嘅訴求，唔排除會作進一步行動，包括再次發起遊行抗議。上次佢哋遊行，已成功獲得數百名人士響應參加，聲勢浩大，警方也要出動維持秩序，不過，港交所仍然維持原判喎！
討論:
| 分享: | |
|
|
|