官地養羊當地署冇到

2012-02-08 15:00

元朗有官地竟被人佔據養羊！「佢哋日日都放啲羊出嚟周圍走，啲羊屎真係好臭！」居民廖先生（化名）發現，元朗洪水橋有一鄉村土地近年出現「都市牧羊人」，佔據政府土地飼養羊隻並開放地方供遊人參觀，由於羊隻不時穿梭山嶺吃草，質疑放牧乃屬違法行為。

地政總署發言人證實，經派員實地視察後，發現有政府土地被人非法圍封作養羊之用，面積有二百七十三平方米。鑑於佔用人未有遵照當局要求於限期內停止佔用土地，已安排與其他相關部門採取聯合清理行動。

律師黃國桐則指出，雖然佔據政府土地屬違法行為，但放牧則未有觸犯法則，「草係一啲可以再生嘅嘢，亦唔算係特有嘅財物，只要嗰個地方係公眾人士可以入得去嘅，放羊入去食草其實冇問題。」惟黃亦指出若土地草皮被移除或破壞則屬違法。