Baby吻戲疑惑：係咪要伸脷？
2012-02-03 15:00
上一則新聞: 關楚耀體驗貧窮被蟲咬
Angelababy與台灣金鐘獎影帝趙又廷繼《痞子英雄》電影版結緣後，再次合作電影《第一次》，Baby笑言起初覺得趙又廷有點酷，但熟落後發覺對方相當開朗，演戲很有天分。
連kiss七次
戲中兩人的一場接吻戲被Baby形容為「很清純的親熱」，未知是否當時二人還未熟落，竟連吃6、7次NG，令她十分難忘。拍攝之前，Baby見趙又廷拿起牙刷擦牙起初大感奇怪，後來知道原來他是為吻戲作準備，即大讚對方很有演員道德。
Baby拍吻戲經驗不多，前兩次的「銀幕之吻」都獻給了台灣藝人井柏然，如今多了一個趙又廷，問Baby哪一位較「好咀」？她笑言：「各有各好，唔好講到我好似好狼咁啦。」Baby又透露有次跟馮德倫閒談時，對方透露有女星跟他拍吻戲時「伸脷」，Baby即好奇地反問記者：「咁究竟拍接吻戲使唔使『脷疊脷』？（你接唔接受『脷疊脷』吻戲先？）睇劇本同埋導演信唔信得過，除非個對手真係好騎呢，令我接受唔到囉。」問到Baby拍親熱戲或吻戲用不用向緋聞男友黃曉明備案？她醒目地避答：「我將工作同生活分得好清楚。」
近年工作不斷的Baby承認有意置業，但首選非House：「依家住緊Apartment，覺得幾好，想買番Apartment，下個目標先係House。」
文：影視組
討論:
| 分享: | |
|
|
|