黃凱芹玩性格唔騷胸肌
2012-02-03 15:00
跟蹤提及過的人和物:
上一則新聞: 施熙瑜借選美傳教
繼去年在九展開騷後，8年沒踏上紅館舞台的Chris，將於3月假紅館舉行2場紀念演唱會，雖然主辦單位想他在個唱上大騷琴技，但Chris卻有自己的主見：「我想專注唱歌多啲，琴我都會彈，但比重唔係咁多。」
食劉松仁檸檬
嘉賓方面除了好拍檔周慧敏和余劍明外，原來Chris好想請劉松仁助陣：「讀書時參加歌唱比賽，畀寶麗金揀咗唱亞視劇集主題曲《劍仙李白》，劉松仁係男主角，我哋勉強拉到關係，所以第一個想請劉松仁做嘉賓，不過佢已經推咗我，佢仲笑我：『我已好耐冇登台，哈哈哈，請我睇就得。』我都好失望囉，我覺得呢個對我係好有紀念價值，不過佢唔想唱冇得勉強。」除劉松仁外，Chris還夢想請偶像葉德嫻和林子祥做嘉賓。
今時今日香港歌手開騷，幾乎人人都去操練胸肌和腹肌，但Chris卻有自己的一套：「初初冇諗過要操，但畀工作人員哦完之後，會操少少囉。」問會否騷胸肌？他笑說：「我冇乜罅喎，託賴雖然生得唔高，但天生勻稱，腹肌亦冇，好難練，呢啲係畀後生靚仔做嘅小動作，要持之以恒，我邊度咁得閒做幾條痕出嚟，我最多跑步機練氣。」
想教訓孔慶東
此外，Chris雖移居加拿大多年，但今次返港碰巧發生北大教授孔慶東駡港人是狗事件，Chris叮囑記者：「記得幫我寫，我真係想打乜佢，黐線，你係一個學者，基本常識要有，你連走狗都用錯咗，真係衰到呢！好想叫甄子丹用詠春教訓佢。」
採訪：音樂組
攝影：司徒國榮
場地：都會海逸酒店
討論:
| 分享: | |
|
|
|