崩口人忌崩口碗 Avis心痛唔敢提

2012-02-03 15:00

周秀娜男友陳偉成（Avis）昨日接受電話訪問時表示，每次看到女友的傷口都會心痛。Avis透露女友的傷口已差不多痊愈，但疤痕比較明顯。他說︰「因為當時馬來西亞嘅設備唔齊全，所以返到嚟個傷口好多菌。我有摸過個傷口，又凹又凸，傷口又大又深，自己都心痛，但唔想佢更加擔心，所以喺面前扮冇嘢。但佢每次講起個疤痕都會好唔開心，成日擔心隻腳唔靚，驚畀其他人望到。所以我盡量唔會喺佢面前提個疤痕，又或者不斷讚佢。」

此外，Avis為免女友亂諗，每次覆診時都會陪伴在側。他表示︰「佢每次返香港睇醫生，我都會陪佢，實在唔想佢自己一個去，驚佢會亂諗更加唔開心。」