政情：李少光父子同樣好戲

2011-09-01 15:00

跟蹤提及過的人和物:

上一則新聞: 政情：網民轟姓曾高官無恥

 

保安局局長李少光近日因為國家領導人訪港嘅保安安排搞到周身唔得閒，就連佢個仔李霖恩（Glen）都被網民熱烈討論。有網民就喺網上討論區發貼，話Glen入咗娛樂圈都成十年，最近就喺電視劇《誰家灶頭無煙火》度飾演家明一角，早兩晚仲擔正演出，都叫做曝光率高咗，先至多番少少人氣，更戥Glen唔抵話：「係咪因為佢係李少光個仔反而累咗佢？」

呢位網民話，其實Glen嘅可塑性好高，演技都唔差，過去試過演家丁下人，又試過做將軍，喺戲嘅角色可正可邪，可低微可高貴，有時簡單傻氣，有時又陰沉機心。講到「可正可邪」就有啲似光哥，事關光哥一時又話要保障市民表達言論嘅權利，一時又撐警方嘅保安部署冇錯，都係一時一樣、亦正亦邪，唔知係咪平時過番兩招畀阿Glen呢？



討論:
分享: