政情：網民鬧爆鄭汝樺詐騙
2011-07-27 15:00
上一則新聞: 政情：李華明憂限呎樓貴到買唔起
有本港網民質疑，港府一直指高鐵香港段最高速度為約二百公里，根據內地嘅最新定義，呢條根本唔係「高鐵」，而係「動車」，不論係港府、立法會、以至大批支持同反對香港起高鐵嘅團體同市民，全部都畀內地呃晒。財委會當年通過嘅六百六十九億元「高鐵撥款」，應該正名為「動車撥款」！
有網民建議入稟法院控告運輸及房屋局局長鄭汝樺詐騙，要求港府向每名市民回水一萬元，同原有嗰六千蚊一同派發；亦有網民建議一人夾一蚊畀鄭汝樺返溫州坐高鐵。咦，其實網民係咪應該請鄭汝樺搭「動車」先至啱呢？
討論:
| 分享: | |
|
|
|