A.Lin寸後輩膠膠哋


2011-07-25 07:00

跟蹤提及過的人和物:

上一則新聞: 書展追星Go Go Go

 

昔日曾參與寫真戰的舊八模A.Lin(裴殷)及DaDa(盧頌之),對於今年的o靚模為寫真各出奇謀,A.Lin明寸這班後輩可能服食大量塑化劑,所以無論身材樣貌均「膠膠哋」!

A.Lin、DaDa、模媽Mia(陳靜儀)等昨日出席荃灣城市中心「潮買潮著潮模MiniShow」活動,並擔任模特兒行騷。期間DaDa所穿的tubedress下滑,露出白色打底。DaDa事後表示不知道露底,但當問到Jeana早前在節目上疑似露點時,她即劃清界線說:「我唔同!我係唔小心。(佢特登?)我唔知佢,唔熟佢為人,好少溝通。」

影爛蕉好得意



問到曾參與寫真大戰的DaDa及A.Lin如何看近日o靚模的出位行徑,A.Lin即忍不住寸嘴說:「好難比較!佢哋可能食咗好多塑化劑,膠膠哋。我覺得佢哋好可憐囉,快啲睇醫生啦!」至於是否指同公司的Jeana身材打假,兩人則冇表態,DaDa則笑言大家是舊同學,可能會畀面買對方的寫真!

至於問到有否看過今年o靚模的寫真,DaDa打蛇隨棍上說:「有本寫真仲要影隻爛蕉,我覺得好得意囉!唔知下次會唔會將西瓜放喺胸度!」A.Lin對於有o靚模送出穿過的泳衣大呼:「好污糟囉!」

採訪:名人組

贊助商:

討論:
分享: