葉翠翠歷盡風浪變愛情顧問
2011-05-06 15:00
上一則新聞: Kid通宵裸跑吃盡苦頭
新一屆香港小姐競選已經展開，翠翠表示當年看電視時聽到郭羨妮的一句話：「參選香港小姐改變你一生！」立即交報名表參加2005年香港小姐，結果成功奪冠。回想過去的是是非非，翠翠覺得當年決定正確無誤，所得遠比憾事更多。
選港姐靠EQ
自嘲思想老積的翠翠說：「做藝人係壓力大，但亦都可以加速成長，可以幫到自己變得成熟。喺娛樂圈一年，成長速度可能等如普通人五年，同同齡嘅朋友比係成熟好多，覺得自己好老積架！」翠翠寄語今年參加的師妹要有心理準備，承受外間批評，她覺得現時參加港姐要有EQ，參選時最好少看報道，專注比賽，壓力自然大減。
唔心急拍拖
由於思想遠較同齡朋友成熟兼口密，翠翠漸漸成為朋友眼中的「愛情專家」，為好友的感情問題排難解困。她說：「自己個電話好似變咗愛情熱線，好多女仔朋友都會打嚟傾吓佢哋同男朋友嘅事，或返工遇到嘅問題，有八九成都可以幫佢哋解決到。其實我都係教吓佢哋應該點樣相處，問題都係溝通唔夠，唔識表達啫。」
翠翠雖然是朋友眼中的愛情專家，但卻單身多時，但她一點也不心急，默默等待真命天子降臨。
文：影視組場地：VEGASHomme
討論:
| 分享: | |
|
|
|