絲絲講場:王永慶遺產徵巨稅


2011-01-13 07:00

跟蹤提及過的人和物:

上一則新聞: 絲絲講場:滙豐豬仔錢罌比賽頒獎

 

喺台灣,承受遺產及接受人哋嘅饋贈都要畀稅,稅率約10%。根據稅務部門公布嘅資料顯示,去年王永慶家族向政府庫房貢獻咗大嗱嗱147億新台幣(約38.7億港元)嘅遺產稅,創下堪稱「空前絕後」嘅紀錄。

累進稅率條數襟計



台灣啲有錢人,財富都係以百億、千億(新台幣‧下同)計,為咗節稅,幾乎所有富豪都喺生前就做晒財務規劃。當然凡事總有例外,於是造就咗台塑集團創辦人王永慶留畀仔女豐厚遺產要徵收巨額遺產稅嘅新紀錄。

王家後代去年計好遺產分配之後,向庫房繳交實物及現金合計119億元嘅遺產稅。由於採用累進稅率,即係話筆遺產愈大,就要交愈多稅,計番稅率成25%。王永慶嘅大房王月蘭按家族協議,去年將名下約280億元嘅財產送畀二房及三房嘅人。按10%稅率計,上月交咗28億元嘅贈與稅。

因為王永慶財產而衍生出嚟嘅兩筆稅款,合計就高達147億元。喺另一個角度睇,呢啲咪叫做實力囉。

余絲韻

贊助商:

討論:
分享: