政情：洪丕正望「BB」衝出維園
2010-11-15 15:00
上一則新聞: 政情：經濟動力晒冷搵名導撐場
洪丕正話今年係第十屆藝趣嘉年華，一開始搞時得幾百人參加，赤柱、山頂都有做過，後來愈嚟愈多人，先至移師維園舉行。每年藝趣嘉年華都會有一個大型巡遊，今次就由各中小學學生以「金、土、水、火、空氣」為題設計巡遊服裝，造型千奇百趣，大人細路都玩得好開心。眼見自己湊大嘅ＢＢ咁受歡迎，難怪洪丕正想食埋足球場嚟做喇。
旅遊發展局主席田北俊都好投入，田少話今年帶埋三個孫仔嚟玩，三個孫入到場玩得好開心，捉都捉唔住。對比起聞名國際嘅巴西里約熱內盧嘉年華，田少覺得藝趣嘉年華唔會玩到通宵達旦，啱晒做合家歡節目，實會支持佢哋衝出草地咁話！
討論:
| 分享: | |
|
|
|