楊采妮暗示蜜運中：結婚會講

2010-11-07 15:00

跟蹤提及過的人和物:

上一則新聞: 紅姑露前露後撼贏谷胸李多海

 

楊采妮（Charlie）昨午穿着Escada黑裙出席假北京舉行的「萬寶龍年度雙重巨獻盛會」記者會，晚上則換上Escada紅色斜膊長裙，高貴迷人。單身多年的她昨日春風滿面，被問到感情生活時，她坦言：「感情事好難交代，我唔急住結婚，順其自然。」問她言下之意是否表示已有交往對象，向來老實的她就說：「唔好問我，我唔知點答，我相信自己係結婚會講嗰種人。」至於工作方面，Charlie透露現忙於為電影宣傳，明年初將開拍新戲，飾演一個她從未遇過的角色：「依家接戲唔會重複，我嚟緊會揀角色演，不過有時拍一套戲係緣分，嚟緊想拍科幻片。」另外，荷里活男星尼古拉斯基治昨晚有份行紅地氈，曾與對方合作的Charlie坦言再見面感到開心：「好耐冇見，今次可以敍舊。我知道佢太太都有嚟，拍戲時已經知佢係familyman。（你都鍾意familyman？）可以接受，但男人要有事業。」

品牌全球代言人尼古拉斯基治與太太雙雙出席酒會，上台時即全場轟動，他以普通話冧大家說：「我愛你們。」並說：「好開心嚟到北京，今次係我第一次嚟，遊咗紫禁城及天壇，令我大開眼界。（中國與你心目中有何唔同？）好開心早上有人做太極，好歡欣和平，希望可以再嚟。」

討論:
分享: