惹急墮虛驚政情：范太駕四驅車黑龍江「洗肺」
2010-09-16 15:00
上一則新聞: 政情：棠哥擬披甲爭超級議席
范太之前同姑仔加多一個朋友一齊去黑龍江十日，參加健康快車黑龍江光明行嘅自駕遊活動，三個人輪流揸四驅車，平均每日要揸五、六個鐘，最長嗰日仲要揸八個鐘，不過范太話一啲都唔辛苦，事關今次係一個「洗肺」之旅，視力、身體同心靈都同樣放大假，沿途嘅綠色景致，參天大樹令范太印象難忘。
過特色農村生活
佢話好似有一棵六百幾歲嘅紅松，生長喺小興安嶺內嘅紅松林，當局為保護呢片樹林，除咗嚴禁斬樹外，就算係已倒下嘅樹木都唔可以搬出去，所以成個環境都保持原始景觀。佢哋仲去咗北極村住民宿，試吓過特色農村生活同食農家菜，范太話如果六月去有機會睇到北極光，但佢哋八月先去，所以緣慳一面。
討論:
| 分享: | |
|
|
|