張繼聰突然被飛 陳志雲：冇咁嘅事

2010-03-11 15:00

跟蹤提及過的人和物:

上一則新聞: JC生日恨收蛋糕

 

張繼聰本有份演出無綫節目《博愛歡樂傳萬家》，昨午突然被飛，有說因太太謝安琪（Kay）唱片公司與無綫爭拗及經常亮相有線令他受牽連被封殺，張繼聰接受查小欣訪問時否認：「我同Kay係唔同公司，無綫好清楚，公司話冇封殺嘅事，所以我唔會追問無綫高層陳志雲。其實我好感激無綫喺我工作量少嘅時候畀機會。」放大圖片

無綫總經理陳志雲說：「無綫冇唔畀張繼聰出現嘅政策，亦唔存在同謝安琪交惡，件事係公司同公司之間嘅事。」《博愛》監製林嘉穎解釋對方一直未有落實演出，昨日才獲通知他要拍廣告而缺席。據知，無綫一早安排張繼聰在節目中擔任隊長，前日通告上仍見他的名在名單上，昨早才臨急更改通知傳媒，情況較罕見，加上拍廣告不會臨急臨忙才落實，令人覺得事件疑點重重。
討論:
分享: