鄧麗欣邊唱邊跳驚到瘦
2010-03-10 15:00
上一則新聞: 台模攻港策略
Stephy、鍾舒漫（Sherman）、陳柏宇及樂隊Mr.等，昨日以「饑饉天使」身份出席奧海城舉行的「饑饉三十2010」宣傳活動。一眾歌手大玩童年「廉價」遊戲，Sherman跟陳柏宇鬥跳大繩，Stephy則邀請Mr.五子一齊玩小時候自創的「環保版保齡球」，最終巾幗不讓鬚眉，Stephy以一鋪全中擊敗Mr.，她即時興奮得舉起雙手尖叫。
成日發噩夢
問Stephy為何會突然纖瘦？她說：「最近一個月都食好多嘢，但磅數依然係一路咁跌，又瞓得唔好，成日發噩夢。（壓力大？）呢排都主要係返公司開會，嚟緊想唱多啲快歌，可能心理上有少少壓力！」
問到壓力是否來自早前的走音事件？Stephy表示已相隔一段時間，近來不少唱歌經驗都令她加強了信心。雖然邊唱邊跳更添難度，但她說：「要更加顧好身體，依家都keep住出街跑步練氣，睇吓之後有冇機會可以參加馬拉松。」
鍾舒漫認曳
另外，Sherman自稱小時候是跳繩高手：「好耐冇玩，以前幾乎每一日都會跳橡根繩，一大班女仔跳好多花式同埋高難度動作。不過我細個真係好曳，成日趁媽咪去買餸嗰陣，就同細妹搬晒啲傢俬出嚟玩。」
文：音樂組
討論:
| 分享: | |
|
|
|