絲絲講場：王石Jump落山激嬲老友
2010-03-10 15:00
上一則新聞: 絲絲講場：詹培忠薦周文耀選議員
王石好鍾意玩啲高空嘅嘢，除咗爬山仲好鍾意跳傘，有次佢哋成班朋友喺深圳行山，大家好辛苦咁行上去，臨落山時，王石忽然攞咗個傘出嚟，一跳就唔見咗人，其他人惟有好冇癮咁繼續行返落山，宋林好快就收到王石嘅電話，話佢已經坐喺山腳歎緊，仲講咗好多風涼話，激到宋總好無奈，最終宋總要用兩個幾鐘先行到落山，而王石只係用咗7分鐘。
佢哋仲一齊去過日本嘅富士山、馬來西亞嘅神山，王石話本月底又會去攀多次珠穆朗瑪峰。王石笑說宋總忙住攀佢嘅事業之峰，邊有時間去珠穆朗瑪呀？
搞企業仲難過攀峰
原來王石已成功登過世界七大洲嘅高峰，當中有4座係8,000米高嘅，只要可以成功攀登一座8,000米高峰，就可以列為國家健將級人馬嘞。王石真係好勁，不過佢話做企業肯定比登山更難，因為佢攀登珠穆朗瑪前後都只係用咗50日，但搞企業搞咗30年，家陣仲搞緊。
余絲韻
討論:
| 分享: | |
|
|
|