梁政珏追潮流早露峰芒
2010-03-10 15:00
上一則新聞: 王喜恨與劉燁對戲
無綫小花梁政珏憑《美麗高解像》的濫藥明星一角而為人熟悉，但她卻認為早已受注視：「入藝訓班已經受注目，唔係今日先有人留意，喺《同事三分親》做MayMay，徐遇安監製睇到呢套劇之後就開始重用我。」官恩娜：「同佢試過一齊上《獎門人》，私底下就唔係好熟，但印象中佢係一個身材好好嘅女仔。」
其34C身材自08年的《獎門人》後備受注目，近月以泳衣上陣拍新片的她不介意性感：「潮流興性感，但唔會永遠係咁，觀眾好快唔記得。」她亦有性感底線：「上身比堅尼就得，下身一定要遮住，好易走光，好赤裸嘅感覺。」而行性感的她卻批模賣肉：「未到乞人憎嘅地步，但有賣肉感覺。」
傾偈行街減壓
曾被批評自製緋聞的梁政珏坦言曾為此落淚，現在卻處之泰然：「無論係幕前定幕後，都要搵個位企，我鍾意睇哲學書，所以睇得開，唔介意負面新聞。」藝人有無形的壓力，她後悔曾以不當方法處理：「入行後試過厭食，依家就會同朋友傾偈、行街減壓。」
為做成功藝人，她把握機會及勤練眼神：「專業藝人唔應該介意接咩工作，要把握每一個機會，而做戲眼神最緊要，可以處理好多角色。」
文：專案組攝：劉智源
髮型：DanielChang@ChinG
場地：Gemini
討論:
| 分享: | |
|
|
|