查懋聲：為「孤兒仔」嘈交
2010-03-10 15:00
上一則新聞: 王征入股亞視隨時易主
查懋聲認為今次亞視股權風波雙方都有責任，「即係好似兩公婆湊仔咁，一個要好惡好嚴肅，另一個就搏命畀糖食嘅，咁兩個人梗有爭拗啦，但如果唔關心嗰樣嘢就無嘢拗嘅！」他希望與蔡和解，認為今次是茶杯裏的風波，不應小事化大，希望息事寧人，以和為貴。
他又指蔡衍明入股時已很清楚股權分配，但蔡拒絕繼續投資，更反指推行可換股債券並不合法，「咁樣情況個孤兒仔究竟邊個去管呢？」他指，王征在這個惡劣情況下仍注資亞視，相信王可協助亞視將來發展，更邀請蔡一齊合作，「因為始終兩地三岸，如果可以一齊做嘢呢就更加好。」但若果蔡衍明不願注資，亦可容許他人注資亞視。
他又重申並無直接與何柱國做任何生意，但承認曾有意收購《星島》並簽署保密協議了解帳目，但最終無落實收購，認為何因此感到被出賣，「咁呢個就要由得人哋去判斷，我就唔知點解佢對呢一件事咁激氣囉。」
蔡衍明：他變了不是我
蔡衍明則回應指「以前本來就有一個股東協議的框架，本來就有，他變了，不是我。」堅決交由法院處理。至於查懋聲形容雙方爭拗像兩夫婦為孩子嘈交，他說：「他可以怎麼形容？就像一杯水，水裏的風波，你把這一杯水倒滿了，小風波就溢出來，對不對？」
討論:
| 分享: | |
|
|
|