Lynn投城所好滾滾愛味濃
2010-03-08 15:00
上一則新聞: 祖兒基仔先鋒榜攞威
日前被拍得和郭富城前後腳打邊爐的Lynn，前晚以嘉賓身份，率一眾名模如CaraG.、AnaR.和陳敏之等出席《意大利珠寶展匯演2010》。Lynn明顯春風滿面，並以斜膊裝谷胸示人，佩戴大會安排的過百萬鑽飾，成為全場焦點。放大圖片
被逼供大叫救命
對於城城當日打邊爐後心情大靚當眾哼歌，Lynn即甜絲絲說：「係咩！（食得飽唔飽？）食飯梗係要食得飽，（係咪感情浮面？）食飯之嘛，好簡單啫！（城城哼歌？）唔知喎。」至於為何常打邊爐，Lynn說：「你哋都知我鍾意，喺南京日日都打邊爐，香港啲餸味道淡，唔係好慣，我食得鹹啲，（城城食嘢味道濃啲？）係啩，（係咪開始同城城老友張智霖熟？）唔好再逼我啦。」Lynn又否認城城的新車牌NN887是代表她，更稱不知道車牌有何意思。JessicaC.前晚以性感短裙為意大利珠寶展行騷。
男友拒送真鑽石
另外，人氣名模JessicaC.昨日出席「新城市廣場X《AliceInWonderland》」時裝騷，以b+ab的露膊裝及短褲晒肩露腿，並透露剛在米蘭和男友Sergio過情人節，收到對方所送的鑽石形戒指：「佢話唔送真鑽石，因為呢個款更襯我，我送咖啡機同耳環畀佢，（求婚？）哈！仲未！」期間，記者發現她穿有脷環，她承認三年前已穿：「當時穿完又痛又腫又流口水，做model唔方便紋身，穿脷環可以收埋，（男友鍾意？）係，佢鍾意！」男友如此喜歡，難怪JessicaC.再戴脷環以氹對方歡心！
文：名人組
討論:
| 分享: | |
|
|
|