政情：邱德根唔評亞視股爭
2010-03-07 15:00
上一則新聞: 政情：劉吳惠蘭老實變倒米
尋日我哋喺馬場撞到邱德根，當然要問吓佢點睇呢場風波。邱德根可能對亞視不斷傳出負面新聞感到心噏，一開始都唔係太想回應，不過睇嚟佢仍然對亞視有好深厚嘅感情，最後都忍唔住講幾句，盛讚查懋聲係個好人，仲相信亞視係有得做，佢話最重要係搵多啲人才。至於點解決兩個股東嘅官司，佢就話唔評論嘞！
邱德根出到聲讚查懋聲，佢撐邊個，不言而喻。其實邱德根同查懋聲已故爸爸查濟民係多年好朋友，佢哋兩老都係先喺上海發迹，再落香港發展，大家可以話惺惺相惜，當年仲一齊成立仁濟醫院，堪稱為世家；在情在理，邱德根撐查懋聲都係無可厚非。
討論:
| 分享: | |
|
|
|