政情：四副局現身深水埗聯歡
2010-03-07 15:00
上一則新聞: 政情：曾德成EQ低亂發老脾
唔講唔知，原來黎棟國、梁鳳儀同邱誠武細個都喺深水埗住過，對呢區有種特別情懷。梁鳳儀自爆喺深水埗出世、長沙灣長大，小學同中學都喺九龍塘讀書，每日行路返學，總會途經石硤尾，成個深水埗區都充滿佢童年回憶，今次有機會返嚟睇吓啲老街坊，雖然唔係個個認識，但都好開心！黎棟國都係深水埗「原居民」，喺南昌街住咗起碼十年，最深印象係已經拆咗嘅有男茶樓同到依家仍然屹立不倒嘅南昌大押，不過梁鳳儀同邱誠武對此無乜印象，睇嚟佢哋同黎棟國係兩個年代嘅人。
黃靜文話呢排好唔得閒，先要處理大量團體嘅政改意見，又要搵人接任個人資料私隱專員；佢話唔一定要搵公務員，當然亦唔排除搵高官出任，但人選一定要有豐富行政經驗，最好有法律背景，咩出身唔重要。
討論:
| 分享: | |
|
|
|