甄妮終極騷 愛女做戰衣

2010-03-06 15:00

跟蹤提及過的人和物:

上一則新聞: 呂慧儀搶波瞓地儀態拜拜

 

甄妮昨日以DeepV造型出席記者會，宣布5月7日至8日將假紅館舉行《甄妮愛ShowFarewellWorldTour》，其好友劉家昌、張耀榮、林建名及愛女Melody等均有出席記者會。甄妮表示今次是人生最後一個演唱會，她說：「我唔係封咪，歌仲會照唱，不過搞演唱會壓力實在太大，今次係最後一個，我會盡力做好個演出。」她表示感激歌迷過去三十年來的支持，呼籲大家可以到她的農場一齊耕種，她說：「想同我見面仲有好多方式，可以去我農場同我一齊捉蟲、捉雀仔，耕田真係令我好開心。」恩師劉家昌將以嘉賓身份為甄妮助陣。

劉家昌助陣



甄妮透露演唱會將邀請恩師劉家昌及顧嘉煇上台助陣，而一向修讀服裝設計的Melody則會擔任藝術總監，親自操刀為媽媽設計舞台歌衫，甄妮說：「我同Melody冇傾過價錢喎，我嘅錢咪即係佢嘅錢，最重要係佢攞到工作經驗，（歌衫性感？）要配合歌曲節奏囉，我畀好大權力佢，睇到佢都能夠參與，令我覺得自己係時候畢業喇，等佢可以照顧番我。」

文：音樂組
討論:
分享: