梁琤嚎哭大嗌

2010-03-05 15:00

梁琤近日為本月11日至16日公演的舞台劇《無動機殺人犯》進行綵排，劇中她飾演悲情角色，一埋位便要情緒激動，其中一場更要嚎哭，舞台演出又不能NG，角色可算是她入行以來極大的挑戰：「我覺得自己好似變咗另一個人咁，成日都自言自語唸對白，又成日要諗住個角色有幾慘，好大壓力！特別係嚎哭嗰場戲，唔係次次都可以即刻投入到情緒，但綵排過多次，狀態都有七成，希望正式演出可以去到滿分。」梁琤（右）與舞台劇演員合照。

為了令全場觀眾都能清楚聽到她唸對白，梁琤已加緊練聲，在無人地方大嗌，一於嗌開把聲。