絲絲講場：四叔現身銀幕短片擔正

2010-03-03 15:00

跟蹤提及過的人和物:

上一則新聞: 市況波動下穩買亞債

 

恒地（00012）虎年頭炮新盤沙田名家匯展開宣傳攻勢，尋日就邀請絲絲去中環IFCPalace影院參與「名家睿智電視廣告首映禮」。絲絲坐低準備睇片，大會司儀就突然話四叔（李兆基）會親自現身，現場氣氛即時變得緊張起嚟，以為會有「額外」新聞；原來係大會先安排大家睇一段片長7分鐘嘅公司介紹短片，同時由四叔親身上陣演繹。放大圖片

新盤廣告造勢Sell公司



喺短片入面，四叔坐喺位於中環IFC嘅辦公室內，介紹公司發展理念及抱負，以及唔少攞獎嘅中港發展項目，片中亦透露恒地係香港擁有農地最多嘅發展商，內地嘅土儲有成1.2億方呎。

絲絲問公關，佢話四叔都唔係第一次拍呢類片，只不過平時啲片會畀企業或基金經理睇，藉以了解公司。

至於罕有曝光嘅四叔辦公室，設計簡潔而溫暖，寫字枱上放咗孫女嘅相片及一尊金財神，今次罕有地畀傳媒睇，在場嘅記者朋友反應都非常熱烈，更有人建議恒地將呢段片當廣告咁播出街。

至於名家匯嘅廣告片，計劃喺本月九日於中港兩地啟播，製作費要成600萬元，係遠赴南非實景拍攝。

余絲韻
討論:
分享: