政情：扮嘢文盼保留永利街
2010-03-03 15:00
上一則新聞: 政情：葉劉遇汪阿姐變學生
扮嘢文尋日出席一個活動時，大讚《歲月神偷》拍得好好，仲話睇嗰陣好似返番去當年嘅老香港添。佢認為，文化遺產可以讓市民了解香港嘅過去，但港府過往已經破壞咗唔少古蹟，真係好可惜！依家永利街一夜成名，佢希望市建局即使之前有全盤計劃要拆咗佢，都可以收回成命，重新審視；仲話好有信心呢條風味老街可以成為香港新一個旅遊景點添。
農曆新年扮嘢文就飛咗過去布吉六日，為新開嘅酒店主持開幕禮。佢話雖然日日做到冇停手，冇乜機會玩吓，但喺布吉可以着住T-shirt短褲開工，已經覺得好心滿意足嘞！
討論:
| 分享: | |
|
|
|