郭少芸鐘女發功引佬埋身
2010-03-02 15:00
上一則新聞: 黎耀祥遊加國狂食8打生蠔
籠底摷出嚟
問到少芸做美肌代言人何以要谷胸，一向心直口直的她笑說：「我呢啲秘密武器，喺必要時用叫做矜貴，係咪都用嗰啲叫做cheap，我對『家傳之寶』喺籠底摷番出嚟，唔好話咩『警鐘胸』，呢個形容詞係嗰啲幾多十後先用，我呢個age要走『警鐘胸』路線就冇意思啦，我只係想人哋一睇就眼前一亮架。」
又靚又有型
少芸使出自己對「秘密武器」果然有效，不少人都大讚她靚及有型格，笑言連停車場保安都被她吸引，估不到少芸對「咪咪」久休復出都狀態大勇。
少芸對「玉照」被讚開心不已，表示：「間唔中性感一次咪矜貴囉，呢次直情係『引死佬』，連棺材都打開蓋。」少芸透露近日跟陳錦鴻合作拍新劇，對方教她做女人要矜貴唔要矜持，令她有所領悟，故今次決定放棄矜持豁出去。
文：影視組
討論:
| 分享: | |
|
|
|