Twins合體壓軸搞喊歌迷
2010-03-01 15:00
上一則新聞: 超盈代四房撐場早走怕阻碇
英皇娛樂前晚於澳門舉行《英皇盛世10周年巨星演唱會》，由容祖兒及古巨基分紅、白兩隊帶領旗下歌手傾巢演出，更邀請到林俊傑、水木年華及海鳴威等獻唱助興。阿嬌跟William大跳辣身舞，舉止親密。
阿嬌大跳辣身舞
當中以Twins再次「合體」的壓軸環節最受觀眾注目，「阿Sa」蔡卓妍與「阿嬌」鍾欣桐以昔日「孖公仔」形象示人，獲台下大批歌迷舉牌支持，兩人演唱《風箏與風》、《女校男生》及《飲歌》等多首經典金曲，默契如昔。阿Sa在台上說：「大家好，我哋係Twins，好耐冇講過呢個口號喇，好耐冇見，有冇掛住我哋呀？」兩人又分別致詞感激公司過去的培育，更一度眼泛淚光，場面感人。至於阿嬌獨自獻唱新歌《心多》，又不避嫌跟緋聞男友陳偉霆（William）大跳辣身舞。
有股熱氣湧上眼
事後Twins接受訪問時表示非常感動，阿Sa表示：「頭先見到阿嬌眼濕濕，我自己都差啲忍唔住，好似突然有股熱氣湧上眼咁，加上台下啲歌迷又好熱情，見佢哋好多都喊緊。」得到歌迷的熱烈支持，阿嬌坦言信心大增，她說：「佢哋一直都好支持我哋，我諗呢個（合唱）畫面等咗好耐。」Twins透露將會全力應付4月的《Twins人人彈起》演唱會，希望歌迷熱切期待。
討論:
| 分享: | |
|
|
|