港島封路 食肆拍烏蠅
2010-03-01 15:00
上一則新聞: 獨臂跑手苦練成績躍進
運輸署昨凌晨二時起全線封閉維園道至筲箕灣之間來回方向，影響灣仔及銅鑼灣鄰近商店及食肆生意。至下午二時道路重開後，盧押道的行人仍寥寥可數，食肆更是門可羅雀。陳先生認為生意差也要照常營業。
「下次去第二邊跑啦」
謝斐道的食肆負責人陳先生大嘆封路令生意大減一半，上午已損失三千多元生意額：「今日係星期日，原本有好多外國遊客行經呢頭食吓魚蛋粉，朝早封路乜人都冇啦！」他又指，全線解封後，亦不見跑畢馬拉松的選手前來光顧，令他頗為不滿：「最好下次去第二邊跑啦！廢事阻住我哋做生意！」
同樣生意減半的燒味餐廳經理陳先生亦指，街外行人屈指可數：「出面得咁少人，就算我做宣傳、大減價都冇人理啦！」惟有照常營業，盡量賺夠錢彌補損失。另外，封閉主要幹道令不少其他道路擠塞，其中中西區花園道落山的塞車最為顯著，而早上的英皇道亦因東廊封閉而有間歇性塞車。
討論:
| 分享: | |
|
|
|