政情：徐立之大汗跑壞iPhone
2010-03-01 15:00
上一則新聞: 政情：封殺議員濫辭職 港府暗中阻撓
肥胡黃宜弘互勵互勉
跑道上出現咗醫管局主席胡定旭同立法會議員黃宜弘一對患難孖寶。肥胡話，佢全程除咗起跑同衝線時有跑過，其餘時間都係同黃宜弘慢慢行，所以氣都冇喘多吓。黃宜弘就話自己已經七十二歲，係全場最老嘅參賽者，一早預咗包尾，不過好彩途中有肥胡呢個老友互勵互勉。
講到最注重安全，就一定係香港防癌會主席高永文醫生嘞。高醫生話佢為咗今次嘅賽事，足足準備咗三個月，又認為跑馬拉松最緊要係保持步伐，唔好畀身邊嘅人影響。
醫管局行政總裁蘇利民都話，自己每星期至少做兩次gym，所以今次賽事對佢嚟講簡直easyjob，仲話下年要挑戰十公里賽喎！
討論:
| 分享: | |
|
|
|